Infrafino

ira divina

2011-09-16T21:07:00.001+02:00

"Tranquilizar aos mercados", por se había algunha dúbida, é unha expresión que debe entenderse no seu contexto propio: o relixioso.
E xa se sabe que para calmar as potencias sobrenaturais hai que ofrecer víctimas sacrificiais, chivos expiatorios, carne fresca.

recordos de auschwitz

2011-09-13T20:36:00.001+02:00

matar unha persoa é, sobre todo, un problema moral.
matar un millón é, sobre todo, un problema técnico.

os cil os copio

2011-01-30T17:53:00.003+01:00

Para rematar radicalmente con calquera fundamentación patafísica da psicoloxía:
"non hai individuo, non hai especie, tan só altos e baixos de intensidade".

sobre a relación entre o cansazo e o budismo

2010-11-18T18:55:00.003+01:00

Que o futuro de occidente (signifique isto o que signifique) pasa polo budismo é algo coñecido dende hai polo menos 150 anos.
Os pequenos-egos-hipertrofiados xa só poden curarse aspirando á nada máis absoluta.

verdad verdadera

2010-09-22T20:49:00.002+02:00

A cuestión da "verdade" na obra de arte só se fixo conflictiva na "Historia da arte",
e a obra rematou inevitablemente esmagada por este dobre peso.

ggod

2010-09-14T18:02:00.004+02:00

Nas escolas de negocios deberían ensinar, tamén, a montar relixións
(business plans metafísicos).

Por que non hai novos deuses? Por falta de emprendedores.

gh

2010-03-13T00:03:00.001+01:00

a profecía do gran irmán só podía escandalizar aos lectores de orwell máis impresionables.
Hoxe, para os pequenos egos hipertrofiados, o terrorífico é xustamente o contrario: que non haxa ninguén mirando.

a victoria do mkt

2010-02-27T14:46:00.001+01:00

o sutil cambio de "gripe porcina" a "gripe A" indica o rápido e ben que traballaron os aserores de marketing en todo aquel asunto.

A doutrina do shock é, principalmente, un asunto de mercadotecnia, e unha gripe tecnocientífica véndese mellor que unha gripe de porcos.

sobre o establecemento de xerarquías

2010-02-27T14:35:00.001+01:00

a elite dos xornalistas xa non son só Xornalistas

Son Comunicadores

misterios (e III)

2009-11-03T18:29:00.005+01:00

para unha ontoloxía infrafina das asociacións se ánimo de lucro.

As sociedades secretas perfectas (como por exemplo) non teñen nome, nin poden telo, e só unha regla: "ninguén debe saber máis do necesario".

Daquela, ¿que pasa coa "Sociedad Teosófica del Noroeste"?

acubillos

2009-10-21T19:19:00.002+02:00

O patriotismo é o último refuxio dos canallas.
É o deporte é o último refuxio dos patriotas.

O fúrbol, destacadamente.

bah

2009-09-09T19:40:00.004+02:00

Incluso o infecto subxénero literario "management de/por/para executivos" (bestsellers de aeroporto) ten as súas obras mestras. Por exemplo, o contiño do queixo, que é todo un alarde de concisión (90 páxinas, incluindo introduccións, historias, debates, epílogos e tal), cando outros, só para aproximarse ao tema, necesitan non menos de 500 páxinas.

Con todo, ben podería engadirse un executive summary de dúas páxinas para os que non queren ler as outras 90.

lost in translation

2009-08-10T20:22:00.003+02:00

Seica toda a metafísica occidental é unha equivocación. Ademais, a peor equivocación de todas: un erro de traducción. Xa se sabe aquelo de traduttore traditore- E así estamos.

tres tristes reis

2009-08-10T20:01:00.001+02:00

Papá noel non veu para sustituir aos tres reis magos. Unha batalla menor absurda, interesante só na medida en que é unha versión actualizada (electropop e familiar) da querella entre antiguos e modernos.

Non.
Papá noel veu para liquidar ao cristo, literalmente, para o cal utiliza esa estratexia tan eficaz de “desviar a atención” cara os tres tristes reis.

psicofonías e transustanciación

2009-05-21T22:01:00.001+02:00

iker jiménez e rouco varela, cada un co seu estilo, son dos poucos que aínda cren na maxia e no misterio neste mundo noso desencantado, de contabilidad y finanzas

tn

2009-02-26T22:06:00.002+01:00

O "turisteo necrolóxico" consiste en darse un rulo polos cemiterios das cidades que un visita. Basicamente.

Ademais, serve para confirmar a coñecida lei económica descuberta por jmkeynes, segundo a cal, "no longo prazo, todos estamos mortos".
Aplicable incluso a unamuno.

unha pantasma

2009-02-25T21:05:00.001+01:00

O fracaso histórico do socialismo é de tal dimensión que xa non quedan nin os cascallos da catástrofe. Ata un presidente de governo que se di socialista asumiu un día que “a defensa dun compatriota” estaba por riba de calquera outra consideración…
O internacionalismo (sic) socialista durme o soño eterno dos xustos.

epifanías

2009-02-19T18:41:00.000+01:00

A mellor poesía sempre se acobilla nos lugares máis inesperados. Por exemplo no catecismo:

Jesús de Nazaret, nacido judío de una hija de Israel, en Belén en el tiempo del rey Herodes el Grande y del emperador César Augusto; de oficio carpintero, muerto crucificado en Jerusalén, bajo el procurador Poncio Pilato, durante el reinado del emperador Tiberio, es el Hijo eterno de Dios hecho hombre, que ha "salido de Dios" (Jn 13, 3), "bajó del cielo" (Jn 3, 13; 6, 33), "ha venido en carne" (1 Jn 4, 2)

En versión Boletín Oficial del Estado, sería algo así:

José Antonio Gómez Fernández, maior de idade, solteiro, con DNI 365823562T, con domicilio en Salceda de Caselas, provincia de Pontevedra, actualmente cobrando o subsidio por desemprego, é o Salvador, Redentor de almas, Xuiz Supremo do Mundo, Fillo único e amadísimo de Deus Pai Todopoderoso, Carne Cosustancial a Él, Creador de todo canto hai no Universo Enteiro, e tamén Señor Altísimo Ilustrísimo Pantocrátor.

beleza interior

2009-02-18T21:09:00.003+01:00

En sentido estricto, por "beleza interior" debería entenderse, por exemplo, uns pulmóns ben proporcionados, ou un bazo sublime.
O cal é unha forma de unir directamente estética e mecánica.

esculturas mecánicas

2009-02-04T21:26:00.009+01:00

Ninguén dubida que os de 12 cilindros son a verdadeira aristocracia dos motores de combustión interna.
Dentro deste grupo, os 12-boxer posúen unha beleza extraordinaria, debida en boa medida á súa escaseza e exotismo.

Esculturas cinéticas en toda regla.

Gruñidos e verosimilitude

2009-02-04T20:53:00.009+01:00

A relación entre fúrbol e cinema é, ás veces, complicada.
"Evasión ou victoria" fracasa irremediablemente cando, no medio dun partido, un xogador berra a outro "Obstaculízalo!!!", ou dirixíndose ao árbitro, porque un rival simulou unha penalti, "Es un farsante!!!".
Nada máis lonxe da realidade.
Definitivamente, cando un furbolista diga "Obstaculízalo!!!" ou "Es un farsante!!!" saberemos que chegou a fin do mundo.

economía da salvación

2009-01-09T23:50:00.003+01:00

Marabilla a enorme capacidade da igrexa católica para xestionar o destino sobrenatural de millóns e millóns e millóns de almas. Salvación entendida dende o punto de vista burocrático-procesal, claro está: actos, sentencias, intencións, atenuantes, purgatorios, citacións, resolucións, audiencias, recursos, traslados, cadenas perpetuas, e tal. Unha actividade xurídico-contable de proporcións astronómicas, nunca mellor dito.

En comparación, a moderna burocracia estatal weberiana é cousa de nenos.

Con todo, sempre se perde algún papel. Son os casos extraordinarios que inevitablemente rematan saíndo en tv: velliños e velliñas de 108 anos agardando a que alguén se acorde deles, e lles tramite o expediente.

a magnitude da traxedia

2008-12-15T09:21:00.001+01:00

O outro día, nese gran pograma que é "el diario de Patricia", un nacho contou a súa historia:

Contou a súa infancia nun orfanato; de cómo con 23 anos matou a navallazos a un home nunha discusión de tráfico; dos anos que pasou na cadea; de cómo despois coñeceu a unha muller moito maior ca el, coa que rematou casando e atopando a felicidade.

O mellor do asunto foi cando Patricia revelou a audiencia algo que o invitado non sabía: que aquel home matara a navallazos ao seu propio pai, e que a muller coa que casara era a súa nai. O fulano quedou tan flipado ao saber que matara ao seu pai e que estaba fornicando coa súa nai que toleu completamente, arrincándose os ollos alí mesmo.

Pero isto último xa non se veu pola tv porque Patricia xa dera paso á publicidade.

estranxeiro

2008-12-01T17:13:00.002+01:00

¿un "deus estranxeiro"?
¿que ademáis chegou "polas augas" -hoxe diríamos "en patera"?

Hai situacións que, vistas dende o monotonoteísmo ecuménico occidental, son incomprensibles.

terminal

2008-01-21T13:06:00.001+01:00

para unha restruturación infrafina das administracións públicas:

1. os hospitais pasan a depender do ministerio de transportes.

200711121015

2007-11-13T10:15:00.002+01:00

esa infección, esa costra que se pega á pel e chamamos presente

fe

2007-11-05T11:55:00.002+01:00

A superstición máis perniciosa do nacionalismo fetén: "a nación existe".

o efecto bolboreta

2007-10-23T12:16:00.001+02:00

...ou a confusión total entre meteoroloxía e climatoloxía.

O analfabetismo científico da clase política é abraiante. Unha opinión, que en si mesma podería ser perfectamente defendible, bótase a perder ao sustentarse nun argumento ridículo e, tamén, rematadamente falaz.

3c

2007-10-04T09:03:00.001+02:00

sinxelamente houbo unha optimización da barbarie (las ciencias adelantan que es una barbaridá), e unha rebaixa dos escrúpulos, debido quizáis a unha confluencia nefasta de tendencias ecoloxistas e humanitaristas vagamente cuáqueras (que, por outra parte, fan que occidente estea xa preparado para convertirse masivamente ao budismo).

o nacemento da traxedia

2007-09-26T09:32:00.002+02:00

Unha contribución para esclarecer o nacemento da traxedia: o público.

Cando se produce un accidente de tráfico, da igual a hora ou o lugar, sempre aparece un público, máis ou menos numeroso, dependendo da gravidade do accidente, que se xunta para ver o espectáculo.

estatuto2

2007-08-23T17:21:00.003+02:00

¿Por que estatuto de nación?
¿Por que non algo máis impactante?

sería mellor poñer no primeiro parágrafo do novo-estatuto-prometido, en letras ben grandes (times new roman 56 puntos), que "os galegos somos o pobo elixido por deus". Compensaría os séculos de baixa autoestima, autoodio, traumas e outras patoloxías psicoilóxicas que nos atoan secularmente e impiden o noso desenvolvemento como pobo, e tamén como pobo elixido por deus.

consultorio

2007-06-10T13:33:00.000+02:00

o cativo pregunta:
Papá, papá, un home, pai de familia e bo cristiano, que ama aos outros como a el mesmo e a Deus por enriba de todas as cousas, pero que un domingo vai ao fúrbol e nun momento de exaltación insulta ao árbitro e toma o nome de deus en van, ese home, digo, papá, ese home ¿vai ou non vai ao inferno?

responde ned flanders:
uhmmm... ese home, meu filliño, vai irremediablemente a churrascarse no inferno. Moito pecado é tomar o nome de deus en van. Nun só segundo de debilidade pode condenarse para toda a eternidade. No que se tarda en chiscar un ollo. Para sempre.

conspiranoia e falsabilidade

2007-05-27T16:52:00.001+02:00

A vantaxe definitiva das teorías conspiranoicas é que non hai xeito de demostrar que sexan falsas. Calquera proba que evidencie a súa falsedade pode desbotarse ampliando o alcance da conspiración. Así de simple.

É dicir: unha conspiración pode facerse tan grande coma un queira. Ao gusto do consumidor.

o falangismo e a súa relación coa risa

2007-04-29T13:54:00.000+02:00

O pecado orixinal do fascismo patrio foi, evidentemente, facer o seu acto de presentación no "teatro de la comedia", en madrid. Un erro estratéxico lamentable, que elimina de raiz calquera posibilidade de tomar en serio o seu programa místico-mesiánico.

Tería máis mérito como happening postpolítico apocalíptico dadaísta.

milagre

2007-04-22T17:37:00.000+02:00

É perfectamente comprensible o culto que a igrexa católica rinde á virxe maría.
Despois de todo, sacar adiante un embrión metade humano e metade deus debe de ser un milagre en si mesmo, dende un punto de vista estrictamente obstétrico, naturalmente, valla o palabro.

bueno

2006-11-30T10:03:00.000+01:00

el mito de la izquierda
el mito de la felicidad
el mito de la cultura

pero

españa no es un mito

É dicir, con la iglesia hemos topado.

trapalladas

2006-11-23T13:29:00.000+01:00

¿Estatuto de nación?
Sería máis acaído estatuto de impaís.
Algo como: “Artigo 1: Galicia constitúese en impaís, por sempre e máis despois”.

Nestes debates, xa resesos abondo, fai falla unha miga máis de imaxinación.

fúrbol

2006-11-15T14:52:00.000+01:00

Unha das opinións favorables máis cualificadas deuna camus na súa célebre frase “todo o que sei sobre a moral e as obrigas humanas débollo ao fútbol”.
Esta sentenza perdeu na actualidade todo o sentido. Reformulada para os tempos que corren, debería ser algo como: “Todo o que sei sobre márketing estratéxico e management executivo, débollo ao fúrbol”. Ou: “Todo o que sei sobre xornalismo amarillento, sobre a simulación e a impostura, débollo ao fúrbol”.

Por exemplo.

cosmogonía

2006-11-14T13:25:00.000+01:00

Esa variante da astroloxía denominada economía vai camiño de converterse nunha relixión ben asentada. A producción teolóxico-dogmática dos últimos douscentos anos así o testemuña. Posúe santos, sacerdotes, textos canónicos, liturxias, herexes, símbolos e todo o espectáculo asociado ás relixións tradicionais.

Tamén desenvolveu, claro, unha cosmogonía. Non é especialmente orixinal, pero ten o encanto de calquera explicación sobre a orixe do mundo: ao principio era o caos, pero o mercado creou a orde no punto no que se cortan as curvas da oferta e da demanda. Así de simple.

línea directa

2006-09-12T10:02:00.000+02:00

Epifanías publicitarias II: pólizas.

Mulleres-farola alcanzando por detrás a utilitarios de tres portas.
Homes-columna refregándose contra todoterrenos musculosos.

Cortocircuito amoroso no contacto físico entre mutantes e automóbiles, 20 segundos, en horario de máxima audiencia (liña directa ao paraíso).

xa!

2006-08-24T14:19:00.000+02:00

Despois de todo non é tan sorprendente que o “nihilismo nacional gallego” do que falaba ortegaygasset rematase convertido nunha forza destructiva real e operativa. O suicidio diferido por medio dos nacementos insuficientes deu paso á vía máis radical e efectiva dun país queimándose ao bonzo.

Sobre todo, máis espectacular.

polo camiño a eleusis

2006-08-21T14:18:00.000+02:00

fomos

e despois volvimos

(unha autoestrada con tropecentos carrís)

epifanías publicitarias I

2006-07-12T10:22:00.000+02:00

“la sensación única de ser tú mismo”.

Supoño que debe de ser unha sensación infinitamente máis abraiante a de “ser outro”. Erguer un día convertido noutra persona. Ou nun insecto. Ou nun exprimidor.

Eu son
Eu son outro
O meu nome non acenderá unha estrela nova en ningunha constelación.

54

2006-06-08T12:02:00.000+02:00

Os bacoriños fozaban na terra, os coitados, sen saberen o que lles agardaba.

Taquicardia supraventricular paroxística

2006-05-03T09:13:00.000+02:00

A atracción do absolutamente incomprensible:

Robert Chase: Xerodermia pigmentosa. Iso explica a telanxiectasia cutánea do IRM.
Gregory House: Estás trabucado: é hiperplasia suprarrenal bilateral por sobredose de pentazocina. A elevada tasa de excreción de aldosterona urinaria indica unha actividade anormal do conducto biliar. Faille un TAC craneal, unha resonancia mangnética e tamén un colanxiograma transhepático percutáneo. Xa!

E un só pode pensar: “É hiperplasia. Sen dúbida.”

Pois con heidegger pasa tres cuartos do mesmo.

dies irae

2006-04-20T08:17:00.000+02:00

Arrepentídevos, pecadores!!
Algo malo fixestes cando a ira divina caeu sobre vós con tanta carraxe.

primeiro aviso

think before you act

2006-04-07T10:49:00.000+02:00

O problema principal de “pensadores temerarios. Los intelectuales en la política” é que só no epílogo, na páxina 165 (a 20 do final), se vislumbra algo remotamente parecido a unha explicación sobre o tema do libro, a saber, a escabrosa relación no século XX entre filosofía e compromiso político.

O resto só é a constatación de que heidegger e schmitt eran nazis, e benjamin, kojève, foucault e derrida, comunistas (con intensidade variable).
É dicir, o que xa se sabía.

moralizar a Naturaleza

2006-04-03T09:32:00.000+02:00

"Desde que Novalis afirmó que tender un puente no es otra cosa que 'moralizar la Naturaleza', los grandes ingenieros construyen una ética material."

Efectivamente, incluso na máis humilde das farolas resplandece todo un programa ético.

vsg

2006-03-27T13:29:00.000+02:00

Disque o peor que lle pode pasar a un paranoico é que o persigan de verdade.

Daquela, o peor que lle pode pasar a un hipocondriaco é que unha análise de sangre revele que a “velocidade de sedimentación globular media” está por enriba no normal.

MOD. TS8220

2006-03-22T14:26:00.000+01:00

Como dis?
De maior quero ser unha lavadora.

cuéntame

2006-03-22T14:13:00.000+01:00

Entrega el papel que para nada te sirve. Con este simple hecho te harás acreedor al calificativo de patriota.

______________

2006-03-16T14:49:00.000+01:00

Poder lexitimador do sufrimento: "porque sufro, teño dereito".

___________________

2006-03-08T13:51:00.000+01:00

Daquela, cando aínda había un fío que unía a verdade coa beleza, e as cousas fermosas eran verdadeiras á forza, daquela, digo, había un conto moi bonito no que a idea principal, con variantes segundo o lugar e a época, consistía en que deus inflaba aos homes polo nariz con gas de alumado. Un despois de outro. En fila india.

epiciclos

2006-03-05T01:02:00.000+01:00

A evidencia é un criterio de verdade como calquera outro, pero moi poderosa. Os erros camuflados baixo a apariencia de obviedades son os máis difíciles de detectar. Que o sol non da voltas arredor da terra, por exemplo. Tivo que ser a complexidade da descripción do movemento dos outros astros o principio da fin do sistema ptolemaico.

De rebote.

?? - seres en fermentación

2006-02-19T12:08:00.000+01:00

"Nosotros mismos todavía no hemos salido nunca de nosotros y estamos aquí. En nosotros somos todavía oscuridad, no sólo por causa del aquí y ahora -demasiado próximos e inmediatos- en el que todos nos encontramos. Sino que mientras nos desgarramos mutuamente, como ningún animal lo hace contra su especie, somos ocultamente peligrosos. Y mientras igualmente estamos todavía totalmente ocultos en nosotros en demasiadas otras cosas, todavía no alumbradas, estamos incompletos como ningún otro ser vivo, nos encontramos todavía abiertos hacia adelante. Colaborando también en el frente más avanzado, con algo que todavía está llegando.
"Así, a la vez, siempre nos acercamos desde adelante, fermentando."
erns bloch

todavía5
avanzado1
nosotros2
somos2
fermentación0

1 1/2

2006-02-19T12:05:00.000+01:00

-Un pouco de política, por favor.
-Un kilo?
-Que sexa kilo e medio.

5_4 _3_2

2006-02-13T09:01:00.000+01:00

Isto non é a fin, aínda.
O mundo rematará cun salaio, e agora o balbordo é ensordecedor.

essencialismo

2006-02-08T09:33:00.000+01:00

Toda a experimentación animal con fins médicos, medicinais, curandeiros e/ou farmacéutico-estético-saudábeis, parte da hipótese de que unha rata, por exemplo, é algo parecido a un home. Vale. Os científicos consideran ás ratas como un sucedáneo válido, nada máis e nada menos.

coagulante

2006-02-03T13:23:00.000+01:00

c .
o
a g
: u l
a
n t e

year of the dog

2006-01-31T09:04:00.000+01:00

material combustible no Gran Proxecto de Reconstrucción Técnica do Ser Humano

checkmate

2006-01-27T11:48:00.000+01:00

Ao mellor os 500 xa cambiaron de opinión, que tamén é posible.

des-composición

2006-01-25T08:50:00.000+01:00

Seguindo a teoría de que o único xeito de rematar cun vicio é saciándoo, daquela a descomposición podería rematar botando unhas padas de cal (aceleración catalítica e festixeira da putrefacción).

merluza conxelada

2006-01-23T14:10:00.000+01:00

Tantos anos e tantos esforzos adicados a salvar almas para que agora, cando a modernidade cuestionou criticamente a existencia dun gas tan peculiar, chegando ao punto de negarlle tal posibilidade, o insecto humano se dispoña, coa mesma ansia, a salvar os corpos, a unha temperatura de 176 graos baixo cero, sen decatarse quizais de que a cuestión non é salvar corpos ou almas, senón se é necesario continuar coa teima de querer salvar algo, o que sexa.

tres tristes trigres

2006-01-19T09:09:00.000+01:00

A antigua identidade bo-belo-verdadeiro foi sustituida hai tempo pola santísima trinidade bueno-bonito-barato.

A verdade escorregou polo sumidoiro.

agonía

2006-01-17T08:22:00.000+01:00

É sabido que os franceses chaman petite mort ao orgasmo.
¿Significa iso, en sentido contrario, que a outra, a grande, é un orgasmo superlativo (e, por certo, único e irrepetible)?

sala de espera

2006-01-16T08:42:00.000+01:00

ou, para dicilo doutro xeito, tomando emprestada a letra desa canción, "despois de anos e anos agardando, non pasou nada".

relixións de salvación

2006-01-09T12:30:00.000+01:00

Esquema en 3 pasos:

1 Alguén morreu...
2 ...pero non está morto...
3 ...porque volverá para salvarnos.

O cal pode aplicarse a mitra, osiris, cristo, parnell e tamén a elvis presley.

(somos uns pecadores de la pradera incorrixibles)

microwave oven

2006-01-07T13:31:00.000+01:00

¿De verdad pensás que si hubiera siconalistas en el XIX lo de kierkegaard tendría cura? ¿por su angustia, decís? Menuda sbórnia que llevás encima, viejo...

escapismo

2006-01-05T13:07:00.000+01:00

Para unha micro-ontoloxía (ontoloxía terminal)
2 O paso do Ser ao nonSer: a experiencia de houdini

A tecla ESC (arriba, tirando á esquerda) é o alivio-rápido inmediato (postmoderno, indoloro, sinxelo, definitivo):

Cando estás demasiado canso: pulsa esc
Cando xa non aturas máis: pulsa esc
Cando os grillóns están moi apertados: pulsa esc
Cando non hai saída: pulsa esc
Cando non sabes que facer: pulsa esc

Pulsa esc e serás transportado a 1000 km de distancia; a un millón de km de distancia; a outra galaxia.
Estás; unha centésima de segundo despois xa non estás.

Como facía houdini.

momificación

2006-01-04T11:03:00.000+01:00

A civilización occidental decidiu producir Historia industrialmente (tal se fose remolacha). A Conservación Científica do Pasado (a temperatura e humidade óptimas) é a condición necesaria para rastrear o desenvolvemento (aceleracións, meandros e fitos) do Espírito Absoluto.
Así que non é de estranar que a memoria rematase independizándose diso tan tenebroso, voluble e pouco coñecido como é o cerebro humano.

Nas películas de atom egoyan, por exemplo, unhas imaxes grabadas nunha cinta de video son toda a memoria dos protagonistas.

virus

2006-01-03T12:36:00.000+01:00

Nin o suicidio nin o asasinato; o único tema filosóficamente relevante na actualidade é a enfermidade.

and my soul has been spiritualized

2006-01-01T03:48:00.000+01:00

dende o fondo do pozo: "só crería nun deus que soubese bailar"

artaud

2006-01-01T03:40:00.000+01:00

¿Qué quiere decir, señor Artaud?
[...] ahora hay que decidirse a emascular al hombre.
¿Cómo es eso?
Haciéndole pasar por la mesa de la autopsia, una vez más pero la última, para rehacerle su anatomía.
Digo, para rehacerle su anatomía.
El hombre está enfermo porque está mal construido.

oftalmoloxía

2005-12-30T12:53:00.000+01:00

O médico achégase coa linterniña e di que vai mirar o fondo do ollo.

En realidade mira dentro do corpo e verifica que o individuo está inflado con gas de alumado.
Comproba a presión, do mesmo xeito que nas gasolineiras se comproba a presión dos neumáticos. Flis. Flis.

o Ser dunha grapa

2005-12-29T11:52:00.000+01:00

Para unha micro-ontoloxía (ontoloxía intersticial)
1 Aristotle revisited

O Ser dunha grapa se manifesta en dous momentos distintos, característicos, consecutivos e perfectamente recoñecibles: en potencia (fig. 1), en acto (fig. 2).

Morrer é durmir

2005-12-28T13:15:00.000+01:00

Andrés Serrano. The morgue - pneumonia due to drowning.

'He's dreaming now,' said Tweedledee: 'and what do you think he's dreaming about?'
Alice said 'Nobody can guess that.'
`Why, about you!' Tweedledee exclaimed, clapping his hands triumphantly. 'And if he left off dreaming about you, where do you suppose you'd be?'
'Where I am now, of course,' said Alice.
'Not you!' Tweedledee retorted contemptuously. 'You'd be nowhere. Why, you're only a sort of thing in his dream!'

begotten

2005-12-26T17:35:00.000+01:00

O problema dalgunhas películas é facerse demasiadas ilusións antes de velas.

Con todo, deus eviscerándose cunha navalla é máis espectacular que o cristo "ecce homo" de gibson.

Astronautas en miniatura

2005-12-26T12:45:00.000+01:00

Armstrong chegou ata a lúa.
Syd Barrett ata alfa centauro (sen saír da súa casa).
J Spaceman está despegando.

Body art

2005-12-24T22:20:00.000+01:00

Nunca como nas láminas do sobotta estivo o corpo tan preto de ser unha obra de arte.

Lavado de estómago

2005-12-23T16:10:00.000+01:00

Para cando un lavado de fígado?
Un lavado de páncreas?
Un lavado de meninxe?

Lavado a man ou a máquina?

(paradoxalmente, xa se fixeron avances importantes no lavado de cerebro)

Sociedades secretas

2005-12-22T13:49:00.000+01:00

Os admiradores de duchamp forman unha sociedade secreta; tan secreta que os seus integrantes nin tan sequera saben que forman parte dela.

Unha sociedade secreta perfecta.

Amor cirúrxico

2005-12-21T12:08:00.000+01:00

Yo sólo quiero operarte, nena

Será coser y cantar

A velocidade

2005-12-20T13:07:00.000+01:00

Os circuitos de carreiras teñen unha beleza estrana e fascinante (por exemplo, o avus).
Son como as figuras de nazca, pero en versión moderna, abstracta, automobilística (xa se sabe que os coches de competición son sempre sempre sempre máis fermosos que a victoria de samotracia…)

Insecticidio

2005-12-19T13:47:00.000+01:00

Por que as protectoras de animais non fan campaña contra os insecticidas?

Despois de todo, calquera podería rematar convertido nunha mosca, ou mesmo nunha cucaracha.

O perfecto home eléctrico

2005-12-18T18:37:00.000+01:00

"La psicología impide al hombre ser exacto como un cronómetro, frustra sus ambiciones de parecerse a las máquinas. No hay ninguna razón, desde nuestro punto de vista, para que el arte del movimiento no consagre toda su atención al hombre futuro más que al hombre actual. Es vergonzoso que, contrariamente a las máquinas, los hombres no sepan comportarse. Pero qué hacer, si el comportamiento impecable de la electricidad nos conmueve más que el desorden de la gente activa o el pedante ocio de la gente pasiva. Por el momento nosotros excluimos al hombre como objeto de filmación, pues es incapaz de coordinar sus propios movimientos.

"Nuestro camino parte del pretendido ciudadano para llegar, a través de la poesía de las máquinas, al perfecto hombre eléctrico."

Dziga Vertov, manifesto Noi.

Gótico e ascensores

2005-12-17T00:54:00.000+01:00

O simbolismo das catedrais quedaría liquidado se estas contasen cun ascensor que chegase á bóveda.

Apretas un botón, e chegas ao ceo.

Teoloxicamente inaceptable.

Desinfectante moral

2005-12-16T08:09:00.000+01:00

Para lavar os pecados, auga bendita e disiclín.

O Mesías

2005-12-15T08:02:00.000+01:00

O argumento era algo así:

Todos os que din que foron enviados por deus para salvar o mundo, son mesías verdadeiros.
Se fosen uns estafadores e mentisen, deus non permitiría que se lle fixese tal ofensa: fulminaríaos antes de que abrisen a boca.

Viaxes intergalácticas

2005-12-14T08:08:00.000+01:00

O ascensor é un “non lugar” onde o tempo se detén uns segundos (sen contradicción).
Apenas un intre, suficiente para facer as preguntas fundamentais:

De onde vimos? Do primeiro andar
Cara onde vamos? Ao sétimo
Que somos? Viaxeiros verticais

Nada máis.
Viaxeiros verticais: astronautas en miniatura.

O espírito do noso tempo

2005-12-13T08:19:00.000+01:00

No século XIII había catedrais góticas.
Agora hai refinerías e centrais eléctricas.

Albert speer intuía algo sobre o valor dos edificios como ruínas, e no século XXVIII as refinerías serán unhas ruínas ben xeitosas.

Totemismo

2005-12-12T10:00:00.000+01:00

Un que pregunta: Que queres ser de maior?
O cativo responde: Unha lavadora.

Redundancia

2005-12-11T16:24:00.000+01:00

Hai que ser absolutamente modernos.

A palabra clave é, non hai dúbida, "absolutamente".

Por exemplo

2005-12-10T13:12:00.000+01:00

Un solipsista bravú, digamos, como max stirner, por poñer un exemplo.

Insuflación

2005-12-09T14:11:00.000+01:00

“insuflar” é unha palabra moi fermosa.